124 - காவல் கழுகு - எனது பார்வையில் ...

இந்தக் கதையைப் பற்றி விமர்சிக்கும் முன்,

டெக்ஸ் கதை என்றாலே "கழுகு வேட்டை" போன்று அதிரடியாக அமைந்திருக்கும் என்ற எதிர்பார்ப்புடனும், உறசாகத்துடனும் படிப்பது என் வழக்கம். ஆனால் சமீப காலமாக இந்தக் கதையிலாவது டெக்ஸ் தேறணுமே என்ற பயத்துடனே படிக்க வேண்டியுள்ளது :-) (ஆனாலும் 2 COPY வாங்கிவிட்டேன் என்பது வேறுவிசயம்.).

அதே பயத்தில்தான் இந்தக் கதையையும் படிக்க ஆரம்பித்தேன். ஆனால் ...

இவ்வளவு பெரிய மரண மொக்கை கதையை (அந்த டைனோசார் கதைக்குப் பின்) டெக்ஸிடம் நான் எதிர்பார்க்கவே இல்லை. அரதப் பழசாகிப் போன, டெக்ஸ் கதையிலேயே பலமுறை வந்துவிட்ட, அரசு தரப்பு செவ்விந்திய அதிகாரியின் மோசடியை அடிப்படையாகக் கொண்ட கதை. அந்த மோசடி பேர்வழிகளை டெக்ஸ் காலி செய்கிறார் (இதையே எத்தனை நாளைக்குதான்யா அரைப்பீங்க ???). ஆனா ஊனா மஞ்சா சட்டையை இஸ்திரி போட்டுக்கிட்டு கிளம்பிடுறாருப்பா. இந்தக் கதையில கூடுதலா தொப்பில ஒரு கருப்பு ரிப்பன் வேற :-).

அதுவும் போக வர வர டெக்ஸ் தனக்கே உரிய அதீத தெனாவெட்டான பாணியில் செயல்படாமல், எதிராளிகளிடம் கெஞ்சிக் கூத்தாடுவது/விளக்கமளிப்பது சகிக்கவில்லை. முன்பெல்லாம் தாடையில் இடியென ஒரு குத்தை விட்டால் எதிராளி சலூன் சன்னலைப் பிய்த்துக் கொண்டு வீதியில் விழுந்த பின், நடுவீதியில் வைத்துதான் குசலம் விசாரிப்பார் டெக்ஸ். இப்போதெல்லாம் அந்த சாந்த சொரூபியைக் காணவில்லையே :-( :-(.

சித்திரங்கள் ஓகே. ஆனால், ஆங்காங்கே பல இடங்களில் இவர் டெக்ஸா? என்று கேள்வி கேட்கும் விதத்தில் சித்திரங்கள் அமைந்துள்ளது. தனி சித்திரமாக அதைப் பார்த்தால் அது டெக்ஸ் என்று நம்மால் ஏற்றுக் கொள்ள முடியாத அளவில் அமைந்துள்ளது டெக்ஸ்-ன் தோற்றம்.

டெக்ஸ்-ன் நெருக்கமான காட்சிகளில் டெக்ஸ் மிக அழகாக வரையப் பட்டுள்ளார். ஆனால் சிறிது தள்ளி இருந்து காட்டப் படும் காட்சிகளில் பழைய கதைகளில் வருமளவுக்கு PERFECTION இல்லை.

சில உதாரணங்கள்:

ராபின் முக சாயலில் டெக்ஸ்

குற்றச் சக்கரவர்த்தி ஸ்பைடர் முக சாயலில் டெக்ஸ்

ஜேம்ஸ் பாண்ட் முக சாயலில் டெக்ஸ்

இதே பாணியில் டெக்ஸ் கதைகள் தொடர்ந்தால் AGENT 327 -னே தேவலாம் என்று கூறுவேன்.